බුදුනුත් නොදන්න බුද්දාගම

මගේ යාළුවෙක්ට  අද e-mail වගයක් හම්බවුණා. ඒක එවල තිබුණෙ ඊමේල් ශී‍්‍ර ලංකා කියල group  එකකින්. ඒ කියන්නෙ අපි නියම සිංහල කියල හිතං ඉන්න ගොඩක් අය ඒ වගේ group වලට set  වෙනව. මොකද ඒ වගේ අයට සිංහලකම පොඞ්ඩක් උස්සල කිව්වම  ඕන දේකට set කරගන්න ලේසියි.ඒ නිසා ඒ වගේ group run කරන්න ඒ තරම් අමාරුවක් නෑ. ගොඩක් වෙලාවට වෙන රටවල ඉන්න ලංකාවෙ මිනිස්සුට සිංහලකමේ අමාරුව වැඩියි. ඒ ප්සක එකේ තිබුණෙ මුස්ලිම් අයයි, කි‍්‍රස්තියන් අයයි එකතු වෙලා බුද්ධාගම නැති කරන්න යනව කියල. ඒ නිසා ඒකට විරුද්ධව නැගී සිටින්න එකතු වෙන්න කියල. මම හොදටම දන්නව දිගට දිගට ඔය වගේ mail ටිකක් ආවම ලංකාවේ මෝඩ සිංහල ජනතාව ගිහින් මුස්ලිම් කි‍්‍රස්තියානි මිනිස්සුන්ට ගහනව කියල. පොලූ උස්සන් යන එක ලංකාවේ මිනිස්සුන්ගෙ අනන්‍යතාවය කියල අපි දන්නවනෙ. ඒ mail  වල තිබුණ පල්ලියක් ඉස්සරහ සදකඩපහන දාපු photo එකකුයි,තව ඒ පල්ලියේ ඇතුල්වෙන තැන මකර තොරණ ගහපු එකකුයි, කතෝලික ආගම අනුරාධපුර, පොළොන්නරු කාලෙ ඉදන් තිබුණ කියලයි ඔන්න ඔය වගේ ඒව ටිකක්. දැන් ඒක නිසා බුද්ධාගම නැතිවෙනව නම් ඉතින් ඒවගේ ආගමක් තිබිල වැඩක් නෑනෙ ඇත්තටම.

තව ඒකෙ එවල තිබුණ මුස්ලිම් අය බුද්ධාගමේ දීඝවාපී එකයි තව පූජස්ථානයි මුස්ලිම් පල්ලි වලට අරං ඒවා විනාශ කරනවලූ. ඇත්තටම මේ සිංහල ජනතාවට වැඩ නැති නිසා හොදයි ඔය වගේ ඒවට උඩ පනින්න. ඒක නිසා තමයි මේ වගේ රටවල් හැමදාම එකම තැන තියෙන්නෙ. ඇත්තටම නම් ඒ වගේ mail මට joke එකක්. මොකද සදකඩපහන, මකර තොරණ වගේ ඒව ඒ ඉස්සර තිබුණ ගෘහ නිර්මාණෙ දියුණුව පෙන්වන සාදක මිසක් බුද්ධාගමේ දායාදයක් නෙමෙයි. ඉතිහාසෙ ටිකක් හරි දන්න අය ඒක දන්නව. ඉතින්  ඕන කෙනෙක්ට ඒ දේවල් පාවිච්චි කරන්න පුළුවන්.

මුලින්ම ඔය සිංහලයො කියන අය එකතු වෙලා තමයි අපෝ දෙමළ උන් අපේ රට අල්ල ගන්න යනව, මේක අපේ රට මේක බෙදන්න දෙන්න බෑ කියල  උන්ව මරන්න  ඕනි කියල කෑ ගැහුවෙ. දැන් ඒක කොහොම හරි ඉවර කරගත්ත. ඒත් දැන් ආපහු ඉන්න බෑ. මොකද ඒ ආතල් එක ඉවරයිනෙ. දැන් අලූත් එකක්  ඕනි. මොකක් හරි මහා බුද්ධාගම්කාරයො ටිකම තමයි මිනිස්සුන්ව මරන්න  ඕනි කිය කිය උඩ පැන්නෙ. ඉතින් ඒ ජනතාවට හරියනම ගැලවුම්කාරය ජනාධිපති බවට පත්වුණා. සිංහලයන්ගෙ ආතල් එකට දෙමළ මිනිස්සු ලක්ෂ ගාණක් මැරුණ. මට මතකයි ඒ දවස් වල පන්සල් වල බණ ඉවර වෙල හාමුදුරුවොත් කියන්නෙ LTTE එකේ උන් නැතිවෙලා ගිහින් හමුදාවට ජය හම්බවෙන්න  ඕනි කියල. මිනිස්සු ලක්ෂ ගණන් මෝටාර් වැදිල මැරෙනකොට මේ බුද්ධ රාජ්‍යයෙ මිනිස්සුන්ගෙ ඇස් කණ් වැහිල තිබුණෙ. කිසිම මිනිහෙක් හිටියෙ නෑ වචනයක් කතා කරන්න. ඒ කාලෙදි බුද්ධාගම තිබුණ් නෑ. හරියට දෙමළ මිනිස්සුන්ව මැරුවට කමක් නෑ කියල බුදුහාමුදුරුවො කියල තියනව වගේ.

ඉතින් කොහොම හරි මිනිස්සු ලක්ෂ ගානින් මරල යුද්ධෙ ඉවර කරගත්ත. ඒ  කාලෙ යුද්ධෙ upset කියන හැම මිනිහම දේශද්‍රෝහියො වෙල තිබුණෙ. දේශපේ‍්‍රමියො ටික ඔක්කොම මිනිස්සු මැරෙනවට support. සිංහල කියන්නෙ ලංකාවේ මහා ජාතිය නිසා කොහොමත් අනිත් ජාතීන්ට ඒ තරම් හයියක් ඉතුරු වෙන් නෑ. කොහොම හරි දැන් සිංහලයන්ට වැඩ ඉවර නිසා මොකක් හරි අළුත් game එකක් පටන් ගන්න  ඕනි නැත්තම් කිසි ගතියක් නෑ වගේ.

තව ටික දවසකින් පටන් ගන්නව දැන් මුස්ලිම් උන් රට අල්ලන්න එන්නෙ ඒ නිසා උන්ව මරන්න  ඕනි කියල. ඒක ලංකාවෙ මිනිස්සුන්ගෙ සංස්කෘතිය. මොකක් හරි විදිහකට අනිත් මිනිහත් එක්ක පැටලෙනව තරම් ගතියක් නෑ. ඒක ඉඩම් අවුල් වල ඉදන්ම එනව. මට තේරෙන් නෑ ඒක සිංහලකමේ හැටියක්ද කියල. මොකක් වුණත් ලංකාවෙ බඩු මිල ගැනවත් කෑ ගහන් නැති මිනිස්සු මේ වගේ ඒවට නම් උඩ පැනගෙන එන්නෙ. ඉතින් මේ වගේ මිනිස්සු ඉන්න රටක මහින්ද ජනාධිපති වෙන් නැතුව වෙන කවුරු ජනාධිපති වෙන්නද. ලංකාවෙ මිනිස්සු කි‍්‍රස්තියානි මිනිස්සු බුද්ධාගමේ අයව ආගමට ගන්නව කියල කෑ ගැහුවට ඒ අයට මතක නෑ ඉංග‍්‍රීසිකාරයො ටික නැත්තම් ලංකාවෙ පාරවල් ටිකවත් නෑ කියල. මෙහෙම කෑ ගහන්ව ඇරෙන්න මෙහෙ මිනිස්සුන්ට කිසි දෙයක් හිතල කරන්න බෑ. ඒ නිසා ලංකාවෙ කිසිම නිෂ්පාදනයක් නම් වෙන් නෑ. ටික ටික නැතිවෙමින් යනව  මිසක්.

මම දන්නෙ මේකයි, මහින්දට තව ඡුන්දයක් දිනන්න chance  එක තියනව. කලින් theory එකමයි පාවිච්චි කරන්න තියෙන්නෙ. දෙමළ වෙනුවට මුස්ලිම් කියල ඒ බලවේගය තුරන් කරන්නට එක්වෙමු කියපු ගමන් කට්ටියම ආපහු ලස්සනට පෝලිමේ ගිහින් කතිරෙ ගහල එනව. ලංකාවෙ මිනිස්සු එකම මෝඩ කම නැවත නැවත කරන ජාතියක්.

ග්‍රීස් යක්කු

ලංකාවේ හැමතැනම යක්කුයි භූතයොයි පෙරේතයොයි වැහිවැහැල. ඒ හැම දෙයක්ම මේ කාලෙ trend එක වෙලා. ඒ කියන්නෙ පත්තර වලට tv වලට මාර fun මේ වගේ news දාන එක. මොකද ඒ වගේ ඒවා අහන්නම ඉන්න මිනිස්සු වගයක් දැන් ලංකාවේ ඉන්නවා. , බදුල්ලෙත් එකෙක් අල්ලලා, අම්පාරෙනුත් තව එකෙක් අල්ලලා, දැන් ලංකාවේ මිනිස්සු කතා කරන්නෙ ඒ වගේ ඒවා.

මුලින්ම මං ඔය භූත news එක දැක්කෙ මොණරාගල මුළු ගමටම භූතයෙක් වැහෙන එක. මේ යක්කුයි භූතයොයි ඔක්කොම වැහෙන්නෙ ගෑණු කට්ටියට. එ් මොණරාගල භූතයවත් අර ස්වර්ණවාහිණියෙ news කියල ඕප දූප උස්සල තියන live@8 වලින් හොදට උස්සල තිබ්බ. ඒ ගෑණු පිරිමි අයගෙ ඇගට පැනල ලේ බොනවලූ. හූරනවලූ. වැඬේ කියන්නෙ එක්කෙනෙක්ට දෙන්නෙක්ට නෙමෙයි මුළු ගමේම ඉන්න ගෑණු අයට භූත දෝෂයක් කිව්වම එ්ක ටිකක් දරුණු තත්වයක්නෙ. ලංකාවෙ ඉන්න මිනිස්සුන්ගෙ මානසික අවුල් ටික ඒ වගේ දේවල් වලින් අහු වෙනවා. ඒ වගේ භූතයො වැහෙන රටක කොහොමද දේශපාලනික හරි ආර්ථික හරි දියුණුවක් හැදෙන්නෙ. භූතයො එලවන්න තොවිල් නටනව ඇරෙන්න වෙන දෙයක් ගැන බලන්න වෙලාවක් නැහැ. රට ආපහු පරණ ගල් යුගයට පහු බහිමිින් ඉන්නෙ මේ වෙද්දි. සංස්කෘතිය ගැන උඩ පනින ලංකාව ඒකත් එක්කම නැති වෙලා යනව මිසක් වෙනස් විදිහකට ලෝකෙ ගැන හිතන්නවත් මිනිහෙක්ට පුළුවන් වෙන් නෑ.

මොණරාගල භූතයට කලින් ආව ආච්චිලව දූෂණය කරල මරණ භූතයෙක්. රත්නපුර පැතතෙන් තමයි එ්ක පටන් ගත්තෙ. එ්ක දිගට ගිහින් හැමතැනම ආච්චිල දූෂණය වෙන්නයි මැරෙන්නයි පටන් ගත්ත.එ් විදිහට එක පාරට එන භූතයො එක පාරටම නැතිවෙලත් යනව.ඉතින් මේ වෙන්නෙ මිනිස්සුන්ගෙ ඔළු ඇතුලෙ හිරවෙලා තියන pressure එක එළියට පනින එක නේද. මිනිස්සු මේ විදිහට ඒ pressure එක එළියට දාගන්න විදිහක් හොය හොය ඉබාගාතෙ යනව. මොකද ලංකාවේ යුද්ධෙ ඉවර වුණා කියල කිසි දෙයක් වෙනස් වුණෙ නෑ. ඒ වෙනුවට දරාගන්න බැරි හිස්කමක් ලංකාවට හම්බ වුණා.කිසිම දෙයක් වෙන් නෑ වගේ තියන මූසලකම එක්ක මිනිස්සු නන්නත්තාර වුණා. මිනිස්සුන්ගෙ ඔළු මොකක්ද වෙන්නෙ මොකක්ද කරන්න ඕනි කියල හිතාගන්න බැරුව දෝලනය වෙන්න අරගෙන. මහින්ද මේක තමයි අපේ ජයග‍්‍රහණය කියල කිව්වට මිනිස්සු මානසික ලෙඞ්ඩු වෙන ගානට රට කාලකණ්ණි වෙල.මිනිස්සුන්ට ඕනි මොකක් හරි event එකක්.ඒකට යක්කු ද භූතයො ද කියල ප‍්‍රශ්ණයක් නෑ. මිනිස්සුන්ගෙ ජීවිත ලස්සන වෙන්න තරම් දෙයක් ලංකාවෙ නෑ. රටේම තියෙන්නෙ පතුල පේන හිස්කමක් විතරයි. දේශපාලනය කියලවත් ආර්ථිකය කියලවත් දෙයක් දැන් ලංකාවෙ නෑ. ඒ නිසා මිනිස්සු උදේ ඉදන් ? වෙනකන් කරන්නෙ Buddhist channel එක ඉස්සරහ ඉදගෙන නිවනට යන්න පාර හොයන එක.

දැන් ලංකාවෙ අලූතින්ම තියෙන්නෙ ගී‍්‍රස් යක්කුන්ගෙ කතාව. මිනිස්සු එ්කෙන් තමයි මේ දවස් වල kik එකක් ගන්නෙ. මොකද ඒකත් එක්ක කතා ගොඩක් ගෙතිල තියනව. ඒක ආණ්ඩුනේ කරන වැඩක් කියල තමයි ගොඩක් මිිනිස්සු කියන්නෙ. ඒක එහෙම වෙන්න පුළුවන්. මොකද මිනිස්සුන්ව භය කරල තියාගත්තෙ නැත්තම් රටේ පාලනය මහින්දට ඕනි විදිහට කරන්න හම්බවෙන් නෑ. මිනිස්සු කෑ ගහල ආණ්ඩුව පෙරලන්න විදිහක් හොයනව. ඒ නිසා හැමවෙලේම මිනිස්සුන්ට භීතියක් දීල තියාගන්න වෙනව. ඒක මහින්ද දැනගෙන කරන්නෙ. රටේ ඒ වගේ අවුල් තියෙද්දි මිනිස්සු බඩු මිල ඉහල නගින එකට කෑ ගහන්න එන් නෑ. සිමෙන්ති ප‍්‍රශ්ණෙ ගැනවත් ජොන්ස්ටන් පොල් ගෙඩි ලක්ෂයක් මුහුදට දාපු එක ගැනවත් කෑ ගහන්න කවුරුත් එන් නෑ. ඒකයි ආණ්ඩුවට වෙන්න ඕනිත්. මේ වෙද්දි ලංකාවෙ තියෙන්නෙ ජනතාවක් නැති ආණ්ඩුවක් විතරක් නිසා මිනිස්සුන්ට හෙණ ගැහුවත් හැරිල බලන්න කවුරුත් එන් නෑ.